أهلا وسهلا متابعينا الكرام في موقع ترندات عربي نقدم لكم خبر اليوم تأجيل أولى جلسات محاكمة رجل الأعمال المتهم بقتل زوجته مرام أسامة بالتجمع – ترندات عربي
أحدث واهم الاخبار العربية عبر موقع أونلي ليبانون أخبار محلية ورياضية لحظة بلحظة علي مدار الساعة
السبت 22/فبراير/2025 – 06:50 م
قضت محكمة جنايات القاهرة المنعقدة بالتجمع الخامس اليوم السبت، تأجيل أولى جلسات محاكمة رجل الأعمال المتهم بإنهاء حياة زوجته مرام أسامة في منطقة التجمع الخامس، لـ الأسبوع الثالث من دور شهر أبريل المقبل.
تأجيل أولى جلسات محاكمة رجل الأعمال المتهم بقتل زوجته مرام أسامة
وينفرد القاهرة 24 بنشر التحقيقات في القضية التي حملت رقم 12846 لسنة 2024 التي كشفت تبليغ أحد المستشفيات بوجود حالة وفاة باسم مرام أسامة، إذ عند دخولها المستشفى بتاريخ 2024/11/10 بعد ادعاء عائلة المريضة إصابتها بالوجه والعين، وكانت المريضة تعاني من التهابات رؤية حادة وتجمع صديدي بالبلوري وفشل تنفس حاد، وبالانتقال إلى المستشفى تبين أن المتوفاة مرام أسامة في العقد الثالث من العمر، موضوع شاش بالعنق من الأمام يصل طوله إلى 168 سنتي مترا، مع وجود شاش بالقصبة الهوائية وأثر وجود عملية جراحية لكسر في القصبة الهوائية.
وأمام جهات التحقيق وقف معتز سامي رجل الأعمال المتهم بقتل زوجته مرام عن تعديه على المجني عليها ضربًا مستقرة تلك الضربات بحلقها، مسفرة عن الإصابات الموصوفة بالتقرير الطبي المرفق.
وقال المتهم خلال التحقيقات: أنا ضربتها بالقلم بس على وشها ومعملتلهاش حاجة تاني؟! واللي حصل أني كنت متجوز من واحدة اسمها نورهان روني سنة 2012 وخلفت منها ابني آدم وفضل الزواج مستمر ما بينا لحد سنة 2019، كانت هي جات طلبت مني الطلاق وفضلت أحاول معاها عشان أفهم هي عايزة تطلق ليه؟
وأضاف رجل الأعمال المتهم: وابتديت أراقبها لحد ما كشفتني؛ فطلعت تجري وحصل ما بينا مطاردة، ولما رجعت البيت كلمت أهلها وأخوها جه على البيت، ولما وجهوها اعترفت إنها بتخوني وأخوها فضل يضرب فيها وأنا ساعتها مضربتهاش؛ لأن أخوها ضربها جامد، ووصلت لدرجة إني كنت بحوشه عنها، وبعدين اتفاقنا إننا نطلق وآدم ابني يعيش معايا وطلقتها واديتها كل حقوقها.
وأردف المتهم أمام جهات التحقيق: وبعدين كنت في الفترة الأخيرة عايش مع ابني بجانب الشغل بتاعي فمكنتش بعرف أهتم بيه كويس، فاتعرفت على مرام على تطبيق اسمه bumble على النت وقعدنا تتكلم على التطبيق، لحد ما ابتدينا ننزل مع بعض ونقرب وفضلنا كدا حوالي ست شهور، حكتلي مرام إنها كانت متجوزة من واحد ومخلفة منه بنتين، وإن سبب الطلاق ما بينهم كان علشان بيخونها وكان بيبعت صورها الخاصة لرجالة وإنه مدمن مخدرات.
رجل الأعمال المتهم بقتل زوجته يروي تفاصيل عنها
وتابع المتهم بقتل زوجته: وبعدين إحنا قررنا إننا نتجوز، واتجوزنا فعلا في 2023/12/15 وأخدت بيت في التجمع شقة دوبلكس عشان يكفينا أنا وآدم ومرام، وبناتها الاتنين جم عشان يعيشوا معانا، ومن ساعة ما اتجوزنا وإحنا قاعدين في البيت ده وكانت علاقتنا طبيعية.
وأكمل المتهم: بس اكتشفت إن مرام عصبية جدا!! وكانت بتتعصب كتير ولأتفه الأسباب وكان بيحصل ما بينا خلافات زوجية كتيره بسبب ده، وهي قالتلي إن عندها اضطراب الشخصية الحديدية، ومعناه إنه الشخص دا بيبالغ في ردود أفعاله ومبيقدرش يتحكم في مشاعره وممكن يبقى عنيف.
وواصل المتهم: وهي كانت بتشتغل مُدرسة في مدرسة في التجمع، وبعدين في الفترة الأخيرة كانت الدنيا طبيعية ما بينا ومعقولة، وحتى كان عيد ميلادها يوم 25-10-2024، وأنا كنت هسافر السعودية في شغل يوم 2025/10/19 فاحتفلنا بعيد ميلادها قبل ما أسافر وجبنا كيك في البيت والولاد احتفلوا بيها، وبعدين أنا سافرت ورجعت تقريبا يوم 26-10-2024، وجبتلها هدايا والدنيا بينا كانت لذيذة.
واستطرد: وفي يوم 27-10-2024 مرام كان زورها واجعها جدا، وصوتها رايح، وده كان أول مرة يحصلها، وافتكرته دور برد عادي، وهي قالتلي بعد كده إنها محتاجة قطرة مضاد حيوي للأذن؛ عشان الالتهاب يخف.
رجل الأعمال المتهم بقتل زوجته: أتأخرت عليها قالتلي مش هنروح عند الدكتور
وزاد المتهم: اتفقنا إننا تاني يوم هنروح للدكتور بعد ما أرجع من الشغل وكان معادي حوالي الساعة 8 مساء، بس أتأخرت بسبب الطريق كان زحمة، وحاولت اتصل بيها وأفهماها بس هي مكنتش بترد عليا لحد ما وصلت البيت؛ طلعت لقيتها مضايقة إني أتأخرت عليها وقولتها يلا علشان نروح الطوارئ فهي قالتلي لا مش هنروح وأصرّت إنها متنزلش.
ونوه: وتاني يوم الدنيا بدأت تظبط تاني وكانت مرام هديت واتعاملنا عادي لحد بوم 31-10-2024 وفي اليوم دا روحنا سهرنا في ديسكو في زايد هي كانت حاجزة حفلة هناك وكان معانا ساعتها مخدر اسمه MD، كانت مرام واخداه من واحدة صاحبتها وشربناه واحنا رايحين الحفلة في العربية، وهو كان عبارة عن بودر بيتحط على الخمرة فحطينا بودر على الكحول وشربناه، وبعدين لما دخلنا كايرو جاز شربنا خمرة ثاني وكانت الدنيا تمام.
لقد تحدثنا في هذا الخبر العاجل عن تأجيل أولى جلسات محاكمة رجل الأعمال المتهم بقتل زوجته مرام أسامة بالتجمع – ترندات عربي بأستفاضة، ويمكنكم متابعة أهم الأخبار العربية والرياضية علي موقعنا الإلكتروني أونلي ليبانون لمتابعة أحدث الأخبار العالمية
